Ditën e sotme janë zbardhur edhe datat për thirrjen e dëshmitarëve në Komisionin Hetimor të inceneratorëve.
Kryetarja e Komisionit Hetimor, Jorida Tabaku është shprehur se thirrja e dëshmitarëve në komision do të fillojë në datën 14 shkurt, deri në datën 18 do të kemi grupin e parë të dëshmitarëve dhe deri 23 shkurt do të kemi grupin e fundit të dëshmitarëve.
Sipas saj, dëshmitarët që janë pjesë e politikës është gjatë 3 ditëve të fundit, 21 -23 shkurt.
“Ditën e mërkurë do të bëhet prezantimi i dosjes së Elbasanit dhe më pas do të bëhet një vizitë në inceneratorin e Elbasanit.
Në datën 11 prezantohet dosja e Tiranës dhe kemi planifikuar një vizitë në inceneratorin e Tiranës.
Thirrja e dëshmitarëve në komision do të fillojë në datën 14 shkurt, deri në datën 18 do të kemi grupin e parë të dëshmitarëve dhe deri 23 shkurt do të kemi grupin e fundit të dëshmitarëve.
Dëshmitarët që do të thërriten janë Edi Rama, Arben Ahmetaj, Erion Vëliaj, Engjëll Agaçi. Javën pasardhëse do të thërriten Emiriana Sako, Mirel Mërtiri, Ariola Kodra, Faraudin Arapi, Lorana Dusha, Klodian Zoto, Stela Gugallja, Qazim Sejdini, Bukurosh Stafa, Aleksandra Bogdani, Artan Rama, Agron Lamko, Luigj Aleksi, Reida Kashta, Rovena Beqiraj, Armando Subashi.
Pjesa teknike është javën e ardhshme ndërsa, pjesa politike është gjatë 3 ditëve të fundit, 21 -23 shkurt.
Pjesë e listës së dëshmitarëve është Lefeter Koka. Besoj që nuk do të jetë e mundur për ta thërritur atë, ne do bëjmë shkresën. Ndërkohë janë 3 persona të shpallur në kërkim. Kështu, do të vijojmë me sugjerimin e zonjës Zhupa, për të thërritur administratorët. Me planin e hetimit të propozuar dhe rënë dakord, mund ta hedhim në votim. Pro planit të hetimit, kundër, abstenim, miratohet. Unë them me kënaqësi që pas 3 muajve do të thërrasim dëshmitarët për këtë hetim”-ka thënë Tabaku.
