Presidenti amerikan, Joe Biden, në një konferencë për mediat ka konfirmuar se në mesin e pengjeve të liruar ishte edhe një 4-vjeçare izraelito-amerikane, Avigail Idan.
Katërvjeçarja u rrëmbye nga Hamasi gjatë sulmeve të 7 tetorit në Izraelin jugor. Fatmirësisht është liruar sot.
Avigail Idan u mor peng nga shtëpia e saj, ku prindërit e saj u sulmuan dhe u vranë nga persona të armatosur të Hamasit. Avigail arrtit të dilte nga shtëpia sipas BBC.
Mësohet se ajo është marrë nga një fqinjë e saj, por ajo dhe anëtarët e tjerë të familjes u rrëmbyen më vonë nga Hamasi.
Presidenti Biden thotë se Avigail Idan, e cila mbushi katër vjeç ndërsa ishte në robëri “sot është e lirë”
Ai shton se Avigail ka kaluar një “traumë të tmerrshme” dhe se ata rreth saj do ta rrethojnë me “dashuri dhe kujdes”.
“Ajo që ajo duroi është e paimagjinueshme,” tha ai.
Ndër të tjera, presidenti Biden thotë se lirimet e sotme të pengjeve vijnë si rezultat i diplomacisë intensive të SHBA.
