Avokati i Popullit, Igli Totozani ka publikuar listën e kandidatëve për organet kryesore që do të realizojnë procesin e vettingut në Drejtësi.
Mes 191 emrave të propozuar, ka rënë në sy edhe emri i ish-kryeprokurores së Përgjithshme Ina Rama.
Ina Rama, propozimi i 88-të në listë, mund të jetë një nga emrat që do të luajë një rol të rëndësishëm në procesin e vettingut.
Në kohën e qeverisë Berisha, Ina Rama u votua nga parlamenti si kryeprokurore, por pas ngjarjeve të 21 janarit të 2011-ës, ajo u sulmua keq fare nga kryeministri i asokohe.
Rama mbeti pa punë që pas 14 korrikut të 2014-ës, kur Gjykata Administrative rrëzoi kërkesën e saj, për t’u rikthyer si gjyqtare në Gjykatën e Apelit, pas refuzimit të mëparshëm nga Këshilli i Lartë i Drejtësisë.
