Gjatë konferencës së sotme për raportimin e situatës epidemiologjike në vend, Manastriliu është shprehur se fluturimet me Britaninë do të vijojnë të jenë të pezulluara deri më 1 shkurt, për shkak të përhapjes së koronavirusit të ri në këtë vend.
“Duke qenë se data 18 ishte dita e fundit që do vlerësonim fluturimet e Britaninë e Madhe, duke qenë se ka informacione të tjera për rritjen e rasteve të infektuar me variantin e ri të COVID-19, Komiteti ka marrë vlerësim që fluturimet me Britaninë do të mbeten të pezulluara deri në datën 1 shkurt”, tha ajo.
Ndërkaq sa i përket vijimësisë së universiteteve, Ministrja e Shëndetësisë ka thënë se do të vijojnë të zhvillohen online, deri në një vendim të dytë./Opinion.al
