Një 25-vjeçar është marrë peng për rreth 3 orë për motive që ende nuk bëhen të ditura nga policia. Ngjarja ka ndodhur ditën e djeshme në Divjakë ku 19 vjeçari me iniciale A.B, banues në Divjakë, i ka hequr lirinë të riut me iniciale D.Gj., mbi të cilin ka ushtruar dhunë në bashkëpunim me persona të tjerë.
Policia njofton se 19-vjeçari është shpallur në kërkim ndërsa po punohet për identifikimin e personave të tjerë të përfshirë në këtë ngjarje dhe zbardhjen e plotë të saj. Dosja i ka shkuar edhe Prokurorisë së Gjykatës së Shkallës së Parë, Lushnje.
