Pavarësisht refuzimit nga ana e tij, Gjykata e Lezhës ka pranuar kërkesën e prokurorisë për të marrë kampionet e ADN-së së ish-efektivit të RENEA-s Remal Rada, i arrestuar pak ditë më parë. Bashkë me të, është marr njëkohësisht edhe mostra e Elton Hithit në paraburgimin 31, ndërsa përgjigja e të dyve pritet të dalë brenda kësaj jave.
Këto rezultate do të krahasohen me gjurmët e gjetura në armën tip snajper me të cilën u ekzekutua biznesmeni Kastriot Reçi në Rrëshen.
Remal Rada, 39 vjeç dhe Elton Hithi, 28 vjeç, u arrestuan më 26 korrik pasi u kapën duke lëvizur me automjet ku u gjet një snajper për të cilin dyshohet se do të përdorej për kryerjen e një vrasjeje.
Ish- efektivi i RENEA-s kishte pak muaj që ishte larguar nga radhët e policisë./Opinion.al
