Ju kujtohet sherri publik mes nuses-vjehrrës në programin “Ka një mesazh për ty”?
Tashmë sherri mes tyre ka përfunduar dhe fëmija është rikthyer në krahët e nënës së tij. Pas një sherri që u zgjat në disa muaj dhe u zhvillua live në televizion, dy familjet kanë gjetur gjuhën e përbashkët dhe sherret mes tyre janë shuar.
Albeu.com mëson se gjykata e Gjirokastrës ka vendosur që Argentini në atë kohë vetëm 3 vjeç t’i kalojë në kujdestari nënës së tij, Eglantinës.
Po çfarë ndodhi disa muaj më parë
Eglantina, mësuese në Kuçovë akuzoi live vjehrrën e saj Natashadhe ish-bashkëshortin e saj Armandon se nuk e lejonin të takonte djalin e saj dhe nuk e lejonin të merrte kujdestarinë.
Sherri mes tyre u përshkallëzua në studion e të “Dielës Shqiptare” ndërkohë vjehrra Natasha deklaronte se djali i vogël i takonte asaj dhe Armandos pasi nëna e tij nuk ishte e aftë të kujdesej për të.
Eglantina: Djali më thotë që unë jam gogoli, se kështu më ka thënë nëna Tasha. Unë që e kam mbajtur 9 muaj në bark jam gogoli? Ti ke grisur fotot e mia në kopshtin e djalit. Mos e ushqe me urrejtje djalin tim.
Natasha: O publik duhet të dini diçka, gjykata më ka lënë të mbaj fëmijën derisa të dali vendimi tjetër. Unë nuk ia jap fëmijën Eglës, sepse e ëma e saj më është shprehur se nuk ia ka besën vajzës së saj as për të rritur fëmijë, as për të gatuar, as për të hekurosur dhe këtë problem do ta zgjidhi gjykata.
