Kaka tërhiqet zyrtarisht nga Futbolli. 35-vjeçari brazilian e bën të ditur vendimin e tij në rrjetet sociale.
Një karriere e gjatë për sulmuesin, 16 vjet me 749 ndeshje të luajtura dhe 238 gola. Ka nisur në San Paolo dhe më pas ishte Milani që e deshi në futbollin profesionist evropian.
Kaka bëhet ylli i një skuadre që fitonte gjithçka duke pasur në krah kolege të tjerë yje të futbollit si Shevcenko, Inzaghi, Pirlo, Seedorf, Rui Costa etj.
Numri 22 i Kaka do të mbahet mend gjatë dhe me nostalgji për të gjithë tifozët kuq e zi. Me Milanin Kaka fitoi një kampionat, një Champions League, një botëror për klube, një Superkupë të Italisë, dhe dy Superkupa evropiane duke shënuar momentin më të lartë të karrierës.
Më pas kalimi tek gjigandi tjetër i futbollit evropian, Real Madrid, ku fitoi një kampionat, një Kupë të Mbretit dhe një Superkupë. Më kombëtaren braziliane ka fituar botërorin e vitit 2002. Karriera e tij si futbollist u mbyll në SHBA.
Kaka gjithashtu është vlerësuar edhe me Topin e Artë në vitin 2007.
Klan Plus
