Shakira dhe Pique kanë qenë sabashku në një lidhje për disa vite. Lidhje mes këngëtares së njohur me famë botërore dhe futbollistit ka tërhequr vëmendjen e mediave në disa raste. Por kohët e fundit po flitet për një krizë mes çiftit saqë lidhja mes tyre do të shkojë deri edhe në divorcë.
Ka qenë një gjest i mbrojtësit gjatë ndeshjes së fundit që shkaktoi thashethemet e krizës midis tyre. Kur Barcelona shënoi gol ndaj Espanyol, Gerard Pique nuk bëri gjestin që ai gjithmonë bënte së bashku me gruan e tij ndërsa festonte realizimin e golit.
Lojtari ngrinte 4 gishta, 2 në njërën dorë dhe 2 në tjetrën, që shënon ditëlindjen e tij dhe kolumbianes (2 shkurt). Ndërsa këtë herë ai ngriti vetëm 3 gishta.
Kjo bëri që mediat spanjolle të aludonin se Shakira është larguar nga shtëpia ku jetonte me Pique dhe ka gjetur një shtëpi të re së bashku me djemtë Milait dhe Sashës.
Ajo që përforcon thashethemet e ndarjes është fakti që çifti ka shumë kohë që nuk publikojnë më fotografi së bashku në rrjetet sociale, ashtu siç bënin më parë. Hera e fundit që janë parë së bashku është në dasmën e Lionel Messit dhe Antonela Roccuzzo, në qershor të këtij viti.
