Olaf Scholz u votua si kancelar i ri i Gjermanisë të mërkurën, duke i dhënë fund katër mandateve të Angela Merkelit në krye të ekonomisë më të madhe të Evropës.
Scholz, kreu i Partisë Social Demokratike (SPD), fitoi votimin e fshehtë në Parlament siç pritej, pas fitores së ngushtë të SPD në zgjedhjet federale të shtatorit.
Pas protokolleve ceremoniale, Scholz shkoi për të takuar Presidentin gjerman Frank-Walter Steinmeier i cili e emëroi zyrtarisht atë si kancelar të ri të vendit. Ai do të bëjë sot betimin në Kuvend.
63-vjeçar, Scholz shërbeu si ministër i Punës dhe Çështjeve Sociale në qeverinë e parë të koalicionit të Merkelit në fund të viteve 2000. Në vitin 2011 ai u zgjodh kryebashkiak i Hamburgut, një post që e mbajti deri në vitin 2018.
Ai ka shërbyer si zëvendëskancelar dhe ministër i financave në qeverinë e koalicionit të madh të Merkelit, një pozicion i fuqishëm në politikën kombëtare gjermane./Opinion.al
