Një efektiv i Policisë Kufitare në Himarë ka mbetur i plagosur, si pasojë e një zjarri që ka përfshirë motorin e gomones. Zjarri mësohet se ka rënë rreth orës 19:35 të mbrëmjes së djeshme, në një nga gomonet e portit që ishte e fikur dhe e parkuar.
Nga ky incident ka mbetur i plagosur punonjësi i Policisë Kufitare B.I., 46 vjeç, banues në Himarë. Ky i fundit është dërguar në spitalin rajonal të Vlorës dhe ndodhet jashtë rrezikut për jetën.
Paraprakisht dyshohet se zjarri është shkaktuar si pasojë e një shkëndije elektrike, në momentin kur drejtuesi i gomones ka qenë duke kryer shërbimet përkatëse të nxjerrjes së ujit, nëpërmjet ndezjes së pompës./tvklan.al
