Me zgjedhjen e Parlamentit të ri Europian, do të nisë të ndryshojë edhe kupola ekzekutive e BE në Komision. Padyshim që pozicioni që ngjall më shumë interes është ai i Presidentit të Komisionit për pesë vitet e ardhshme. Presidenti aktual, Jean-Claude Juncker, u zgjodh në bazë të parimit “spitzenkandidaten” që do të thotë se përfaqësuesi i grupimit që fiton më shumë vende në Parlament merr edhe presidencën e Komisionit.
Kjo procedurë këtë vit mesa duket do të ndryshojë pasi është bërë ‘mollë sherri’ mes Presidentit të Francës, Macron dhe Kancelares Merkel. Shefi i Elizesë kërkon që kandidaturat ti nënshtrohen një procesi diskutimi dhe figura përfaqësuese të jetë jo vetëm teknike por edhe e njohur për publikun europian.
Në një intervistë të dhënë të martën për RTS Zvicerane, Macron ka deklaruar se ai ka rezervat e tij për kandidaturën e Manfred Weber, i cili shihet si pasuesi i Junker. Madje Macron shkoi deri aty sa deklaroi se ai do të mbështeste kandidaturën e Angela Merkelit në krye të ekzektutivit europian nëse ajo do të shprehte dëshirën.
Emmanuel Macron beson se Juncker ishte një president i mirë, i cili bëri zgjedhje të guximshme dhe bëri përparim në disa pika.
I pyetur për një kandidim të mundshëm për pozitën e Angela Merkel, me të cilin ai ka “shumë miqësi”, ai tha se nuk dëshiron të flasë për të, por nëse dëshiron, ai do ta mbështeste atë.
Emmanuel Macron beson se “Europa ka nevojë për fytyra, personalitete të forta, njerëz që kanë besueshmëri personale dhe aftësi për të plotësuar pozicionet e tyre”. /Opinion.al
