Kancelarja Angela Merkel, mbështeti thirrjet për masa më të forta për frenimin e përhapjes së koronavirusit gjatë periudhës së Krishtlindjeve.
Ajo u është drejtuar ligjvënësve në Bundestag se bilanci i viktimave të raportuara sëfundmi është i papranueshëm. Sipas Merkelit, distancimi social nuk po respektohet siç duhet pasi niveli i kontakteve mes njerëzve është tepër i lartë.
“Po jetojmë në një pandemi dhe kjo do të thotë se po jetojmë në rrethana të jashtëzakonshme. Jemi në një situatë ku përjetojmë sfida, me të cilat Gjermania nuk është përballuar ndonjëherë më përpara. Duhet t’u përgjigjemi këtyre rrethanave të jashtëzakonshme me masa të jashtëzakonshme”, tha Merkel.
Merkel është dakord me rekomandimet për mbylljen e dyqaneve pas Krishtlindjeve. Ndërkohë që kundërshtoi hapjen e hoteleve, në mënyrë që familjet të vizitojnë njëra-tjetrën gjatë periudhës së festave.
“Dëshiroj të them këtë: nëse ne do të kemi shumë kontakte gjatë Krishtlindjeve dhe më pas të na rezultojë që ato ishin Krishtlindjet e fundit me gjyshërit, atëherë kjo do të thotë se ne e kemi dreqosur dhe nuk duhet ta bëjmë këtë.”
Kancelarja paralajmëroi një dimër të vështirë dhe pohoi se në 3-mujorin e parë të 2021 nuk do të ndihet shumë impakti i fushatës së imunizimit në masë të popullatës./Opinion.al
