Shteti gjerman ka vendosur që të ndihmojë kompaninë ajrore Lufthansa, për të kapërcyer krizën që ka sjellë koronavirusi.
Kështu raportohet se qeveria Federale do t’i japë kompanisë një paketë ndihme që kap vleren e 9 miliardë eurove.
Marrëveshja u firmos nga kancelarja Merkel dhe menaxheri i përgjithshëm i kompanisë, Carsten Spohr, por asnjëra palë nuk ka dhënë ende asnjë detaj për projektet e financimit nëpërmjet kësaj vlere.
Kriza e koronavirusit ka bërë që shumica e avionëve të kompanisë Lufthansa të qëndrojnë në tokë. E njëjta gjë ka ndodhur pothuajse me të gjitha kompanitë ajrore në botë.
“Businnes Insider” raportoi se ato po kalojnë krizën më të madhe ekonomike në historinë e tyre, teksa thekson se linjat e vogla apo me probleme të mëhershme financiare, nuk do të mbijetojnë dot./Opinion.al
