Bota

“Merkel duhet vrarë”, nga u nxit veprimi i vrasësit në Zelandën e Re


               Publikuar në : 13:05 - 15/03/19 |
el ida

Vrasja e kancelares Merkel, presidentit turk Erdogan, dhe kryebashkiakut të Londrës, ishin pjesë e programit të Brenton Tarrant, autorit të masakrës në xhamitë e Christchur, në Zelandën e Re. Ai përmend vrasjet e tyre për shkak të dëmit që i kanë shkaktuar të bardhëve.

“Angela Merkel është e para në listë. Janë të paktë ata që kanë bërë më shumë dëme se ajo”, shkruhet ndër të tjera në manifestin e Tarrant, të quajtur “Rivendosja e madhe”, i cili qarkullon ende në rrjetet sociale.

Në manifestin e publikuar në internet pak para masakrës, Tarrant përmend shumë nga tezat e Anders Behring Breivik, autorit të masakrës në Utoia në vitin 2011, një nacionalist, anti-BE dhe ksenofob.

Një nga objektivat kryesore të tij është çlirimi i Europës nga të gjithë pushtuesit: romë, afrikanë, indianë, turq, semitë. Tarrant bën gjithashtu apel për vrasjen e atyre që lobojnë kundër të bardhëve pasi konsiderohen si tradhtarë, dhe si të tillë duhen shkatërruar.

Ajo që i bashkon dy manifestet e vrasësëve është gjenocidi i të bardhëve që sipas tyre po ndodh aktualisht. Si Tarrant dhe Breivik theksojnë se gratë e bardha duhet të kenë të paktën nga dy fëmijë, në rast të kundërt të bardhët do të zhduken.

Në armët e tij, Tarrant shkruan ndër të tjera “Vienna 1683”. Një datë simbol e pushtimit të dështuar të otomanëve. Breivik e përdori atë gjithashtu si një datë simbol, duke parashikuar dëbimin e të gjithë emigrantëve nga Europa brenda vitit 2083, katër shekuj pas sulmit të dështuar ndaj Vjenës. Gjithashtu si Tarrant dhe Breivik, nuk kanë ndjekur universitetet, pasi sipas tyre kjo do i shpërqëndronte nga misioni i tyre.

Kujtojmë se Anders Breivik sulmoi një kamp rinor, të partisë laburiste në Ishullin e Utojas, pasi kishte vendosur nje autobombë në kryeqytetin e Norvegjisë. Ai vuan dënimin për vrasjen e 77 personave në Norvegji, teksa ka mbrojtur çdo veprim të tij, duke thënë se ka kryer sulmet më spektakolare dhe të sofistikuara në Europë, që prej Luftës së Dytë Botërore. Çka është më e rënda, ai tha, se do t’i përsëriste ato sërish./Opinion.al

 

Pas