Kancelarja gjermane, Angela Merkel dhe presidenti francez, Macron, kanë kërkuar që BE të marrë masat e duhura për një valë të dytë të mundshme të infektuarish nga Covid-19.
Përmes një letre drejtuar presidentes së Komisionit Europian, Ursula Von Der Leyen, liderët kryesore të Bashkimit Europian, konfirmojnë që përgjigjja kaotike ndaj pandemisë ka ngritur pikëpyetje rreth përgatitjes së Unionit, duke nënvizuar këtu rëndësinë e një reagimi të përbashkët europian.
Kujtojmë se mënyra si unioni trajtoi situatën ngriti shumë pikëpyetje dhe pakënaqësi, sidomos në vende si Italia dhe Spanja./Opinion.al
