Kancelarja gjermane, Angela Merkel dhe presidenti i Turqisë, Erdogan kanë biseduar për situatën në verilindje të Sirisë.
“Ata ranë dakord që të vazhdojnë të jenë në kontakt të ngushtë për këtë çështje”, tha një zëdhënëse e Qeverisë gjermane, e cila njoftoi për bisedën telefonike ndërmjet kancelares Merkel dhe presidentit Erdogan, por nuk dha më shumë detaje lidhur me përmbajtjen e bisedës.
Koalicioni qeverisës në Gjermani ka pasur dilema lidhur me ofensivën turke. Socialdemokratët kanë kundërshtuar propozimin e ministres së Mbrotjes, Annegret Kramp-Karrenbauer që të krijohet një “zonë e sigurt” nga Kombet e Bashkuara, në zonën kufitare Siri-Turqi.
Kujtojmë se Turqia ka kryer një ofensivë ushtarake në veri të Sirisë, me qëllim që të largojë nga ajo zonë luftëtarët kurdë, të cilët i konsideron terroristë.
Ndërkaq ofensiva turke në Siri është ndërprerë pas arritjes së një marrëveshjeje armëpushimi mes Shteteve të Bashkuara dhe Rusisë. Turqia dhe Rusia po ashtu kanë arritur një marrëveshje që të largojnë për 30 kilometra nga kufiri Turqi-Siri, luftëtarët kurdë./Opinion.al
