Notarja shqiptare, Nikol Merizaj nuk arriti të kualifikohej për në gjysmëfinalen e 100 metrave stil i lirë. 18-vjeçarja, e cila stërvitej prej 8 muajsh në Greqi dhe është pjesë e skuadrës së PAOK-ut, e mbylli garën e saj me kohën 59 sekonda e 99 të qindtat.
Merizaj u renditur e 5-ta në baterinë e saj dhe e 43 në klasifikimin e përgjithshëm në këtë disiplinë, gjë e cila e ndërpret këtu aventurën e saj në Rio 2016.
Pas Briken Çaljes dhe Nikol Merizaj, të enjten e ka radhën notari Sidni Hoxha në 50 metra stil i lirë, të shtunën Luiza Gega, e cila do të synojë kualifikimin në finalen e 3000 metrave me pengesa dhe po të shtunen Izmir Smajlaj do të garojë në kërcim së gjati. /Express
