Mercedesi ka publikuar fotot e para dhe detajet teknike të klasës së re E me çati të hapur në prag të premierës botërore të planifikuar në sallonin e automobilave në Gjenevë.
Klase E e re kabriolet është projektuar sipas modelit Coupe, por është dukshëm më e madhe se paraardhësja.
Makina është më e gjatë për 12.3 cm dhe 7.4 cm e gjerë, ndërsa distanca ndërmjet boshteve është rritur për 11.3 cm. Gjenerata e re është pak më e lartë (+ 3 cm) nga versioni në largim i këtij modeli.
Çatia e butë është në dispozicion në ngjyrë kafe të errët, ngjyrë blu të errët, e kuqe e errët dhe zi, ndërsa palohet dhe shpalohet për 20 sekonda.
Ngritja dhe ulja e kulmit mund të bëhet gjatë vozitjes dhe atë me shpejtësi deri në 50 km/h. Mekanizmi i kulmit është e i vendosur pas sediljeve të pasme, kështu gjatë ngarjes me çati të ulur ka hapësirë në 310 litra për ngarkesë në dispozicion. Kur ajo është e ngritur, në dispozicion janë 385 litra.
Mercedes nuk ka nxjerrë detaje të motorëve të makinave, por pritet një motorizim i ngjashëm si tek modeli Coupe dhe fillimisht do të ofrohen më shumë gjasa 4 versione – tre me benzinë dhe një motor dizel.
Motori me benzine themelor, Mercedes E200 do të mundësohet nga një motor 2.0 litërsh me katër cilindra që zhvillon 184 KF (kuaj fuqi) apo 135 kW dhe 300 Nm moment rrotullues. Modeli E300 nën kapakun motorit do të ketë një motor me benzinë me të njëjtin vëllim, por me fuqi prej 245 KF (180 kW) dhe 370 Nm, ndërsa në krye të ofertës do të jetë Mercedes E400 4matic me një motor 3.0-litra V6 bi-turbo që sjell 333 KF (245 kW), ndërsa ka maksimum çift rrotullues prej 480 Nm.
