Lewis Hamilton ka fituar sot edhe Çmimin e Madh të Francës. Britaniku ka qenë tepër i shpejtë edhe ditën e sotme duke konfirmuar edhe një herë ritmin e frikshëm me të cilin ‘Mercedes’ po dominon Formula 1.
I dyti që kaloi vijën e finishit ishte piloti tjetër i skuderisë gjermane, Valeri Bottas, i cili vuajti deri në fund për të ruajtur pozicionin ndaj tentativave të Leclerc. Ky i fundit i garantoi një vend në podium ‘Ferrari-t’ duke u renditur i treti.
Kokë kuqja e Sebastian Vettel nuk arriti më shumë se vendi i pestë, duke rikuperuar kështu vetëm dy pozicione nga nisja.
Pas 8 garash në këtë sezon të Formula 1, duket se të gjitha skuderitë janë dorëzuar pasi të gjithë çmimet e mëdha janë fituar nga Mercedes, 6 nga Hamilton dhe 2 nga Bottas.
Triumfi i ditës së sotme e mban Hamilton në krye të garës për pilot me 187 pikë, 36 më shumë se Bottas i vendit të dytë dhe 76 më shumë se Vettel i vendit të tretë. /Opinion.al
