Me shpejtësi po përhapet në rrjetet sociale e ashtuquajtura “menuja e burgut”. Bëhet fjalë skicë e ndërtuar nga ekspertët e komunikimit të qeverisë, e cila synon ndërgjegjësimin po ashtu dhe frikësimin e atyre personave që mund të prishin zgjedhjet lokale të 30 qershorit.
E gjithë kjo fushatë ka nisur pas urdhrit të kryeministrit Edi Rama për t’i bërë të qartë me çdo mënyrë qytetarëve se çfarë rrezikojnë nëse bëhen pjesë e skenareve për prishjen apo bllokimin e zgjedhjeve.
“Menuja e burgut” është një përmbledhje e dispozitave të Kodit Penal mbi prishjen e zgjedhjeve.
Në deklaratat publike shefi i qeverisë ka thënë se nuk do të ketë asnjë tërheqje për zgjedhjet lokale dhe sipas tij kush i cënon do të përfundojë në burg.
Nga ana tërtër edhe të martën, kreu i opozitës ka theksuar se në 30 qershor nuk do të lejohen zgjedhjet, që sipas Lulzim Bashës janë një grusht shteti kushtetues./ Opinion.al
