Gjithnjë e më shumë njerëz vuajnë nga ankthi paraprak, që do të thotë se ata ndihen keq për atë që do të ndodhë. Parashikimet janë gjithmonë negative, të karakterizuara nga frika dhe pasiguria.
Pse ndodh? Sipas psikologjisë, një nga arsyet kryesore është nevoja për të mbajtur gjithçka nën kontroll. Personi që ka frikë nga e ardhmja, duke e parë atë të pashpresë, nuk mund ta lërë veten të rrjedhë bashkë me jetën. Për të parandaluar që diçka e keqe të ndodhë, ata shmangin situatat që konsiderohen në rrezik. Problemi është se shpesh i konsiderojnë rrethanat plotësisht normale, si të rrezikshme. Ankthi paraprak bllokon çdo iniciativë.
Për fat të keq, kjo gjithashtu mund të ndikojë tek personat e afërt sepse personi që vuan, frikësohet jo vetëm për vete, por edhe për të dashurit, duke parandaluar çdo situatë të rrezikshme.
Një arsye tjetër për këtë çrregullim është ndoshta frika nga e panjohura, e pasigurisë, e asaj që nuk dihet, një frikë e natyrshme që mundet, megjithatë, në disa raste të bëhet bllokuese. Personi me shqetësim paraprak nuk e kupton kotësinë e këtij mekanizmi, i cili sigurisht nuk parandalon ndonjë ngjarje të dëmshme, por thjesht përkeqëson jetën e tyre.
Të jetuarit në një gjendje të vazhdueshme frike, shqetësimi, ankthi nuk është e lehtë. Gjithashtu nuk është e lehtë as të largohesh nga ky rreth vicioz i mendimeve negative.
Ekspertët thonë që ka disa mënyra për të gjetur shërim, angazhohuni tek pasionet tuaja dhe mendimet pozitive. Eksperimentoni, ndryshoni rutinën dhe mendoni pozitivisht./Opinion.al
