Vladimir Putin dyshohet se ka ngujuar vajzën e tij dhe e ka penguar që të udhëtojë jashtë vendit për të festuar ditëlindjen e saj, pasi ka patur frikë se ajo nuk do të kthehej në Rusi.
Shkencëtarja Dr Maria Vorontsova donte që të fluturonte në një vend “miqësor” me Rusinë për disa ditë pushime në plazh dhe për të festuar ditëlindjen e 37-të javën e ardhshme, sipas një raporti të publikuar në Moskë.
Ajo kishte planifikuar një “arratisje” me 33-vjeçarin Yevgeny Nagorn, partner i saj, pas ndarjes nga bashkëshorti holandez, i biri i një koloneli të NATO-s, sipas kanalit Telegram General SVR.
Por, Putin ka refuzuar kategorikisht udhëtimin e saj si dhe ka urdhëruar që të forcohej mbrojtja nga sigurimi privat, thuhet në raportin e gazetës ruse.
Sipas informacioneve vajza e madhe e presidentit thuhej se nuk kishte në plan të kthehej në Rusi. Sipas Daily mail raporti nuk thoshte se arsyeja për planin e saj për t’u arratisur ishte lufta e përgjakshme e babait të saj në Ukrainë.
Maria, e cila është sanksionuar nga vendet perëndimore për shkak të lidhjeve të saj familjare me Putinin, ka një djalë gjysmë holandez, tani tetë vjeç, me ish-bashkëshortin e saj Jorrit Faassen. Ajo tani është e ndaluar të udhëtojë në vendet e mëdha perëndimore.
Maria është një studiuese kryesore në Qendrën Kombëtare të Kërkimeve Mjekësore për Endokrinologjinë e Ministrisë së Shëndetësisë të Rusisë./Opinion.al
