Një ditë pas atentatit të ndodhur mbrëmjen e 4 Janarit në Tiranë, ku 35-vjeçari Erion Çela, mbeti i vrarë dhe u plagosën 4 persona të tjerë vijojnë të zbardhen detaje dhe dëshmi të personave të paranishëm në vendngjarje.
Daniel Lila, menaxheri i lokalit ku ndodhi vrasja në ‘Don Bosko’ në kryeqytet ka treguar se çfarë ka parë ai lidhur me ngjarjen e rëndë. Sipas tij, në tavolinë ka qenë dhe bashkëshortja e viktimës dhe të plagosurve, ndërsa 5 minuta pasi u larguan, aty mbërriti një makinë Mercedes-Benz C-Class që dhe hapi zjarr me breshëri kallashnikovi.
“Unë kam qenë te lokali te lokali brenda, ka ardhur një makinë tip C-Class dhe kanë gjuajtur në drejtim të lokalit, në drejtim të tavolinës ku kanë qenë ulur personat dhe aty kanë qenë 4-5 persona. Më parë kanë qenë gratë e tyre, rreth 5 minuta më vonë kanë ikur gratë dhe kanë ardhur disa persona të tjerë që kanë gjuajtur në drejtim të atyre. Për pjesën e lokalit, nga stafi nuk është dëmtuar asnjë siç flitet që një 19-vjeçar është dëmtuar. Nga pjesa e stafit nuk është asnjë i dëmtuar.
Erdhi ambulanca, ambulanca ka kaluar rreth 20 minuta, 30 minuta gati që Ushtaraku është afër, ka ardhur pas gjysmë ore. Kurse trupi i pajetë ka ngelur atje për gati 1 orë, 1 orë e ca.”, tha ai.
Si pasojë e atentatit humbi jetën 35-vjeçari Erion Çela dhe mbetën të plagosur edhe 4 persona të tjerë, mes të plagosurve ishte edhe vëllai i viktimës./Opinion.al
