Kryeministri Edi Rama mëngjesin e sotëm ka publikuar pamjet 3D të projektit për ndërtimin e Portit të Durrësit, pas nënshkrimit të memorandumit të bashkëpunimit për realizimin e tij.
Në një postim në rrjetin social “Facebook”, krahas pamjeve Rama shkruan se dje u hodh një hap vendimtar që tashmë do t’i hapë rrugë ndërtimit të portit turistik më të madh në Mesdhe.
“MIRËMËNGJES
dhe me kënaqësinë e hedhjes së një hapi vendimtar dje, me nënshkrimin e Memorandumit të Bashkëpunimit, që hap rrugën drejt procedurës parlamentare për kontratën historike për ndërtimin e portit më të madh turistik të Mesdheut në Durrës, falë një investimi prej mbi 2MLD USD, me mbështetjen e drejtëpërdrejtë të Presidentit të Emirateve të Bashkuara, Sheikh Muhammed Bin Zayed, ju uroj një ditë të mbarë”-shkruan Rama.
