Një sasi e konsiderueshme droge është gjendur dhe sekuestruar nga policia në memaliaj dhe Gjirokastër. Bëhet fjalë për 81 kg drogë të llojit Cannabis Sattiva.
Shërbimet e Komisariatit të Policisë Tepelenë në bashkëpunim me specialistët e seksionit të Hetimit të Narkotikëve në DVP Gjirokastër kanë zhvilluar operacionin e koduar “Koshtan”, ku në një banesë të braktisur, në fshatin Koshtan, Memaliaj, u gjetën disa thasë, me Cannabis Sattiva, si dhe një armë gjahu teke e markës “Bajkal”.
Pesha totale e lëndës ishte 75 kg, e cila u sekuestrua në cilësinë e provës materiale.
Po punohet për identifikimin dhe kapjen e autorëve.
Gjithashtu nga specialistët e seksionit të Hetimit të Narkotikëve u bë arrestimi në flagrancë i shtetasit Nedin Karavidha, 45 vjeç, banues në Libohovë, Gjirokastër pasi në banesën e tij u gjetën dy qese dhe një thes brenda të cilëve kishte lëndë narkotike Cannabis Sattiva.
Pesha totale e lëndës ishte 6 kg, e cila u sekuestrua në cilësinë e provës materiale.
Materialet i kaluan Prokurorisë së Rrethit Gjyqësor Gjirokastër për veprime të mëtejshme.
