Melanie Trump nuk është shfaqur në publik që prej datës 10 maj, dhe mesa duket “zhdukja” e saj do të vijojë edhe ca. Sipas raportimeve nga zëdhënësi i saj, ajo nuk do ta shoqërojë bashkëshortin e saj Donald Trump, as në samitin e 12 qershorit, ku ai do takohet me diktatorin korean Kim Jong Un.
Ajo nuk u pa më në publik që pas ndërhyrjes që bëri në veshka si pasojë e një tumori. Edhe pse presidenti Trump tha më 14 maj se Melanie ishte në gjendje të mirë shëndetësore, ajo përsëri nuk u pa në asnjë event. Pas ndërhyrjes, spitali nuk dha më detaje për procedurën apo edhe për ditët e qëndrimit të Zonjës së Parë në spital. Megjithatë vetë Melanie, ka reaguar në një postim të Twitter, duke këkruar të mos spekulohej për të, pasi ishte mirë./ Opinion.al
