Së paku 31 vetë janë vrarë e dhjetëra të tjerë janë plagosur, nga një shpërthim në tregun e fishekzjarreve në afërsi të kryeqytetit të Meksikës.
Zjarri i shkaktuar nga shpërthimi ka përfshirë një treg të hapur në Tultepec, 20 milje në veri të kryeqytetit, Qyteti Meksiko, derisa dje pasdite ishte i mbushur me njerëz që blenin fishekzjarre për festat e fundvitit.
Një televizion lokal ka transmetuar pamje të eksplodimit shumëngjyrësh në të gjitha drejtimet dhe tym masiv, derisa njerëzit largoheshin në panikun e madh.
Fishekzjarret kanë vazhduar të kërcasin dhe shpërthejnë edhe një kohë të gjatë pas eksplodimit, ndërsa ekipet e situatave të emergjencës nuk kishin mundësi tjetër, por të lejonin që fishekzjarret të shpenzoheshin.
