Zyrtarët në Meksikë janë shprehur se është arritur të frenohet me sukses rritja e numrit të emigrantëve pa dokumente që kalojnë në Shtetet e Bashkuara.
Sipas Sekretarit për marrëdhëniet me Jashtë Marcelo Ebrard, numri i tyre është zvogëluar për 56% që prej muajit maj.
SHBA-ja dhe Meksika kanë rënë dakord mes tyre që në qershor për një afat prej 90 ditësh për të zvogëluar numrin e emigrantëve pa dokumenta në SHBA.
Më herët Presidenti amerikan, Donald Trump, ka kërcënuar se do të zbatojë tarifa ndaj importeve nga Meksika, nëse autoritetet atje nuk veprojnë për të frenuar emigrimin.
Gjithashtu Trump është shprehur se do të vendosë taksë 5% mbi importet meksikane dhe se ajo do të rritet çdo muaj, nëse Meksika nuk vepron.
Ndërkohë zyrtarët meksikanë përfshirë Ebrardin, do të udhëtojnë drejt Washington javën e ardhshme, për të diskutuar rreth përpjekjeve të tyre. “Nuk pres të ketë kërcënime me tarifa të martën”, -tha sekretari për marrëdhëniet me Jashtë Ebrard.
