Një ngjarje e rëndë është regjistruar në një kolegj privat në qytetin Torreon në Meksikë ku një 11-vjeçar qëlloi me armë zjarri mësuesen dhe më pas veten.
Mediat vendase raportojnë se megjithëse vrasjet në Meksikë janë në rritje, të shtënat në shkolla kanë qenë të rralla.
Mësohet se 11-vjeçari kishte kërkuar të shkonte në tualet, por pasi mësuesja kishte shkuar ta kërkonte pas 15 minutash ai kishte hapur zjarr nga dy armë të cilat nuk dihet ende si i kishte marrë. Për pasojë ka humbur jetën mësuesja dhe janë plagosur gjashtë persona të tjerë.
Pasi kreu vrasjen 11-vjeçari vrau veten.
Kryebashkiaku i qytetit, Jorge Zermeno, tha për mediat lokale se nxënësi ishte shumë mirë me mësime, kishte sjellje normale dhe jetonte me gjyshen.
Autoritetet dyshojnë se ai është influencuar nga një video-lojë. 11-vjeçari kishte veshur një bluzë me emrin e një video-lojë të quajtur “Natural Selection”. /Opinion.al
