Autoritetet meksikane bllokuan një avion ushtarak amerikan që po dëbonte imigrantë të paligjshëm pas “aksionit” të administratës së Donald Trump.
Zyrtarët amerikanë thanë se një avion i mbushur me emigrantë të paligjshëm nuk u ngrit në fluturim pasi autoritetet në jug të kufirit refuzuan të lejonin.
Fluturimi ishte i pari nga tre që do të niseshin, si pjesë e atij që Trump e ka përshkruar si operacionin më të madh të dëbimit të emigrantëve të paligjshëm në historinë e SHBA-së.
Dëbimi i imigrantëve në vendet e huaja kërkon leje nga qeveria që do i presë, të cilën Meksika e refuzoi të enjten.
Nuk është e qartë pse autoriteti meksikan e bllokoi fluturimin, që cili erdhi disa orë pasi një alpinist amerikan u qëllua me armë nga një person që dyshohet të jetë pjesë e kartelit meksikan në Kaliforni.
Kthimi i Trump në Shtëpinë e Bardhë ndezi shpejt marrëdhëniet midis dy kombeve, me presidentin e ri që kërcënoi të vendosë një tarifë prej 25 % mbi importet meksikane si hakmarrje për migrimin masiv përtej kufirit jugor.
Ndërsa ai vizitoi vendet e prekura nga fatkeqësitë natyrore, Karolinën e Veriut dhe Kaliforni të premten, Trump dha një paralajmërim të ashpër për imigrantët e paligjshëm me precedentë kriminalë, duke thënë se ata do të nxirren të parët.
Ndërsa autoritetet meksikane nuk e kanë miratuar dëbimin e tyre, administrata e Trump ka vlerësuar përpjekjet e veta këtë javë teksa Sekretari i ri i Shtetit, Marco Rubio postoi një video të emigrantëve që futeshin në avionët ushtarakë për në Guatemalë.
Të enjten, u zbulua se forca e tij e imigracionit ka arrestuar mbi 1,300 imigrantë të paligjshëm, teksa Cari Kufitar, Tom Homan u zotua të vazhdojë të rrisë përpjekjet.
Homan tha për NewsNation se nga 1,300 imigrantët e arrestuar deri më tani, mbi 1,000 prej tyre ishin kriminelë.
