Presidenti i Meksikës Andrés Manuel López Obrador i ka kërkuar Spanjës dhe Vatikanit që të shprehin ndjesë zyrtare dhe publike për dhunimet dhe torturat që pushtuesit spanjollë kanë kryer përpara 500 vitesh mbi popullsinë autoktone meksikane.
Nëpërmjet një videoje të shpërndarë në Facebook dhe Twitter, López Obrador ka thënë se u ka dërguar nga një letër Mbretit të Spanjës Felipe VI dhe Papa Françeskut për t’u kërkuar atyre “që të kërkojnë falje për dhunimet e atyre që sot i njohim si të drejtat e njeriut, të kryera mbi popullin autokton”.
Qeveria spanjolle, e cila drejtohet nga socialisti Pedro Sánchez i ka kthyer menjëherë përgjigje presidentit meksikan, duke u shprehur “thellësisht të keqardhur për letrën e ardhur nga Meksika” dhe duke “refuzuar me qëndrueshmëri” argumentet e paraqitura nga López Obrador. Ndërsa nga Vatikani, nuk ka ende një reagim zyrtar./Opinion.al
