Presidenti i SHBA-së, Donald Trump kërcënoi se do të godiste Meksikën me sanksione dhe tarifa, pasi akuzoi kombin e Amerikës Latine për shkeljen e një traktati të ujit dhe “vjedhjen e ujit nga fermerët e Teksasit”.
Sipas mediave të huaja, duke folur në një konferencë për shtyp, presidentja meksikane Claudia Sheinbaum thotë se vendi i saj do të nisë një dërgesë të menjëhershme të ujit për fermerët në Teksas, megjithëse ajo nuk specifikoi se sa dhe tha se kjo do të varet nga disponueshmëria.
Meksika po kërkon mënyra alternative për të respektuar traktatin 81-vjeçar me SHBA-në, thotë ajo, duke shtuar se një marrëveshje do të arrihet në ditët në vijim.
Vendi ka qenë duke luftuar për të vazhduar me furnizimet e tij me ujë, për shkak të një thatësire trevjeçare, tha Sheinbaum më herët të premten.
