Ndërsa në studion e emisionit “Opinion” është diskutuar mbi propozimin e PD për vetingun e politikanëve, gazetarja Fatjona Mejdini tha se ky proes është i kushtueshëm. Ajo tha se për vetingun në drejtësi, vetëm BE ka investuar 42 milionë euro, ndërsa vetëm për vitin 2021 KPK dhe SPAK kanë harxhuar 6 milionë euro.
Pjesë nga diskutimi
Mejdini: Ku do i gjeni paratë për vetingun?
Vetëm 42 milionë euro ka dhënë BE dhe vetëm KPK për vitin 2021 ka harxhuar rreth 2 milionë euro, ndërkaq SPAK 4 milionë euro.
Fevziu: Po kaq euro nuk kanë vjedhur politikanët. Gjithë këto euro harxhojmë ne dhe nuk marrim vesh as sa kanë vjedhur. Kush do t’i financojë?
Bardhi: Në 30 vite kemi harxhuar aq para me projekte për luftë ndaj korrupsionit. Patjetër do ta bëjmë efikase, reale, që shqiptarët të ecin përpara. Nuk mund të ecin përpara qytetarët nëse udhëhiqen nga politikanë që mendojnë për veten e tyre./Opinion.al
