Politika dhe media as kësaj radhe nuk lanë pa përlyer e përgojuar prokurorët. Çështja në ngarkim të Saimir Tahirit është duke u hetuar nga Kreu i Krimeve të Rënda, Besim Hajdarmataj dhe prokurorët Elisabeta Imeraj e Gentian Osmani. Meqenëse kanë rastisur me origjinë nga Tropoja u aludua se janë njerëz të afërm të Sali Berishës.
Përgënjeshtrimin e ka bërë këshilltarja e ish-kryeministrit Berisha, Erla Mëhilli.
Në një reagim të fundit ajo shkruan: “Sot, mediat e kontrolluara nga Edi Rama kane shperndare nje trillim banal te tij, i cili ne nje panik te papermbajtur ka gjetur si mburoje per Sajmir Tahirin nje shpifje dhe trillim bajat, sipas te cilit prokuroret e çeshtjes “Tahiri” jane kusherinj te ish kryeministrit Berisha dhe djalit te tij, Shkelzen Berisha.
Lidhur me sa me siper, i deklaroj opinionit publik me pergjegjesi te plote se nuk ekziston asnje lidhje farefisnore apo e çdo lloji tjeter midis ish kryeministrit Berisha dhe djalit te tij dhe prokuroreve te çeshtjes se Sajmir Tahirit. Por ky trillim deshmon qarte dhe nje here tmerrin qe ka kapur kupolen e narko-shtetit ne Shqiperi!
***
Ja çfarë shkruhej sot në disa portale
Tre prokurorët që përfaqësuan sot organin e akuzës në Komisionin e Mandateve, janë nga Tropoja.Të tre duket se kanë lidhje të forta me Sali Berishën dhe të birin, Shkëlzen Berisha.
Besim Hardarmataj nga Tropoja është kushëriri i dytë Sali Berishës, i denoncuar nga Artan Hoxha në televizion si njeriu që i çoi fotot e videot Berishës nga operacioni i Babicës së Vogël.
Elisabeta Ymeraj nga Tropoja është pjesëtare e Grevës së Urisë të Shkëlzen Berishës në vitin 1999. Gruaja e Agron Bajrit, kushëri i dytë i Shkëlzen Berishës.
Gentian Osmani nga Tropoja, shok klase i Shkëlzen Berishës. Ka mbyllur çështjen e Gjin Gjonit në Elbasan në 2014 së bashku me Bledar Mustafarajn. Asokohe Gentian Osmani ka qenë kryeprokuror rrethi ndërsa Bledar Mustafaraj prokuror i çështjes.
/Opinion.al
