Meghan Markle ka pak kohë që është bërë pjesë e familjes mbretërore, dhe rebelizmi i saj nuk mund të mos vihet re. Mesa duket, Dukesha e Sussex ka vendosur të injorojë çdo rregull të paracaktuar e të veprojë sipas kokës së saj. Kjo u vu re që në ditën që kishin zgjedhur për të kurorëzuar dashurinë e tyre. Martesat e familjeve mbretërore zakonisht bëhen në ditë jave, por Meghan dhe Harry zgjodhën një të shtunë maji. Veshjet që zgjodhi në turin e parë mbretëror në Australi ishin gjithashtu mjaft të guximshme.
Vetëm pak ditë më parë, qarkulloi lajmi se Meghan dhe Harry duan të jetojnë larg pjesës tjetër të familjes. Dje shtypi britanik u hap me një tjetër titull: ‘’Meghan Markle ka vendosur të bëjë lindje natyrale në shtëpi’’. Burime pranë ‘’Vanity Fair’’ bëjnë me dije se dukesha e re nuk ka ndërmend aspak të ndjekë shembujt e vjehrrës së saj Lady Diana, apo kunatës së madhe Kate Middleton. Të dyja këto të parat i kanë sjellë fëmijët e tyre në jetë në Saint Mary’s Hospital në Londër. Meghan dëshiron të shmangë me çdo kusht kaosin londinez. Ajo është gjithashtu kundër traditës së të bërit publik trashëgimtarin/trashëgimtaren e re vetëm pak orë pas lindjes.
Ndërkohë për kujdesin e fëmijës, do të ngarkohet mamaja e saj, Doria Ragland. Nuk e dimë se çfarë mendimi ka mbretëresha Elizabeth për të gjitha këto, por Meghan duket e vendosur të qëndrojë larg rregullave strikte.
