Dukesha e Sussex ka zbuluar së fundmi një detaj shumë interestant nga dasma e saj me princ Harry-n. Ky detaj lidh fustanin e saj të nusërisë me një kujtim nga takimi i tyre i parë. Meghan e rrëfeu sekretin e saj në një dokumentar të ri televiziv. Gjatë dokumentarit ajo e sheh sërish fustanin e markës Givenchy, për herë të parë që nga dasma.
“O zot, është i mrekullueshëm apo jo?” tha ajo në dokumentarin Queen and Commonëealth të ITV.
“Aty brenda ka një copëz të… e patë?” thotë Meghan ndërsa trgon me gisht nga velloja. “Ajo copa blu që është qepur brenda. Ajo është gjëja ime blu.”
Në shumë vende ekziston një traditë për ditën e dasmës. Nusja duhet të mbajë gjatë asaj dite një gjë të vjetër, një gjë të re, një gjë të huazuar, një gjë blu dhe një monedhë në këpucë. Kjo traditë ka origjinën në Angli, gjatë periudhës Viktoriane. Gjëja e vjetër simbolizon vazhdueshmërinë. Gjëja e re simbolizon të ardhmen dhe optimizmin. Gjëja blu, monedha dhe gjëja e huazuar janë stoli fatsjellëse për syrin e keq, fertilitetin dhe besnikërinë.
Gjëja blu e Meghan në dasmën e saj ishte një copëz nga fustani që ka veshur në takimin e parë të tyre.
“Gëzohem që e shoh përsëri. Është shumë e bukur,” tha dukesha.
Meghan shpjegon edhe domethënien e qëndisjes së luleve në vellon e saj. Ato përfaqësojnë 53 shtetet e Commonëealth-it, një lule për secilin shtet. Ky ishte tributi i Meghan për familjen mbretërore, të cilin ajo e mbajti sekret edhe për Harry-n deri në ditën e dasmës.
“Ai u lumturua shumë për zgjedhjen time. Besoj pjestarët e tjerë të familjes patën një regim të ngjashëm.”/Opinioni.al
