Ditën e djeshme Pallati Mbretëror ka njoftuar se dukesha e Sussex Meghan Markle është në pritje të ëmbël.
5 muaj pas martesës me Princ Harryn, ajo do të bëhet nënë për herë të parë. Ndërkohë çifti ka nisur turin e tyre fillimisht drejt Australisë.
Kështu dukesha është fotografuar për herë të parë me barkun e rrumbullakosur.
Ajo kishte veshur një fustan të bardhë pas trupit të stiluar nga australiania Karen Gee.
Ky fustan i tregonte qartë barkun, dhe ajo jo më kot kishte zgjedhur këtë model dhe ngjyrë.
Në takimin me Guvernatorin Peter Cosgrove, çifti mbretëror ka marrë edhe dhuratën e parë për fëmijën që do vijë në jetë në pranverë të 2019-s, një kangur pellushi dhe një palë çizme të vogla.
Ish-aktorja ka hyrë tashmë në tremujorin e dytë të shtatzënisë ndërsa nuk dihet gjinia e bebit.
