Besojeni ose jo por Meghan Markle dhe Princi Harry nuk ndjekin më në Instagram faqen zyrtare të familjes mbretërore.
Edhe pse rrjeti shpërtheu në aludime për thellim të krizës mes tyre, çifti mbretëror e justifikoi një veprim të tillë me faktin se çdo muaj llogaritë që ata do të ndjekin do të ndryshojnë në bazë të një tematike ose kauze të caktuar.
Faqja zyrtare e tyre shpërndau një foto kolazh, poshtë të cilës gjendej një mesazh humanitar:
‘Ka organizata të panumërta që bëjnë punë të mahnitshme për shëndetin mendor. Ju lutemi të konsideroni llogaritë që kemi nxjerrë në pah si një fotografi e vogël e këtij rrjeti mbështetës global”.
Meqënëse maji është muaji i ndërgjegjësimit të Shëndetit Mendor në SHBA dhe 13 deri në 19 maj është java e ndërgjegjësimit të Shëndetit Mendor në Britani të Madhe Harry dhe Meghan do të ndjekin në Instagramin e tyre vetëm faqe të cilat promovojnë mirëqenien mendore, shëndetin dhe pozitivitetin ndaj trupit dhe rëndësinë e lidhjes njerëzore jo vetëm për të dëgjuar njëri-tjetrin, por edhe për të kuptuar./Opinion.al
