Duka dhe Dukesha e Sussex- Meghan kanë mbërritur në Tonga, pas një udhëtimi 90 minutësh nga Fiji. Por Meghan Markle bëri një gafë mode me fustanin e saj të mrekullueshëm. Pasi kishte harruar t’i hiqte atij etiketën e çmimit, që i varej nga pas.
Fustani, i qendisur me lule dantelle, i markës Self Portrait, ishte zgjdhur enkas ngjyrë të kuqe. Pasi është ngjyra që përfaqëson ngjyrën e flamurit të Tongës. Meghan e kishte plotësuar veshjen duke e kombinuar me një çantë dore (clutch) të Christian Dior dhe këpucë të markës së njohur Manolo Blahnik.
Por pavarësisht kësaj gafe me etiketën, 37-vjeçarja në pritje të ëmbël dukej e mrekullueshme me këtë fustan, teksa ecte dorë për dore me të shoqin princ Harry.
Kjo është dita e 10-të e turit 16 ditor të çiftit mbretëror në Australi, Fiji, Tonga, Zelanda e re.
