Gjatë operacionit të djeshëm është ndaluar edhe e dashura e Laert Haxhiut.
Sipas gazetares, Klodiana Lala, mësohet se K.Gjata është ndaluar gjatë megaoperacionit të policisë, që çoi në lëshimin e 16 urdhër-arresteve për shkatërrimin e grupit të Laert Haxhiut.
Nga dëshmitë e Artan Tafanit, i cili ndodhet pas hekurave për grabitjen e një pike të këmbimit valutor në Astir, u zbardhën 6 krime të kryera nga grupi i Haxhiut.
Mësohet se është zbardhur vrasja e Alban Semakut,që njihet dhe me emrin Elton Mermali, i cili ishte anëtar i bandës së Aldo Bares. Ai u mor peng në Lushnjë dhe më pas u ekzekutua në Peqin.
Gjithashtu, nga hetimet është arritur që të zbardhet dhe vrasja e Albi Bashaliut në Elbasan, si edhe eliminimi i Fridmand Xhaferrajt në Korçë, i cili u gjet i lidhur dhe i hedhur në një rezervuar në këtë qytet.
Po ashtu janë zbardhur dhe vrasjet e Lulzim Qorrit dhe Dikens Halilit, ngjarje të ndodhura në shtetin grek.
