Zbardhen detaje të reja nga megaoperacioni anti-drogë i zhvilluar prej ditës së djeshme në mbarë vendin.
Sipas burimeve të News24, mësohet se kanabisi që u sekuestrua në Tiranë, vinte nga Kanadaja.
Mësohet se kanabisi ka ardhur me postë, i fshehur në konserva peshku, ku një konservë përmbante 6 boçe kanabisi.
Deri më tani në mbarë vendin janë arrestuar mbi 200 persona, ku prej tyre, 112 janë vetëm në Tiranë.
Arrestimet janë bërë me urdhër të prokurorive të disa rretheve si Tiranë, Durrës, Fier, Elbasan.
Policia ka sekuestruar rreth 3 kg kokainë dhe 15 kg kanabis në kryeqytet.
Në operacion po marrin pjesë RENEA, FNSH dhe qindra punonjës policie.
