Vetëm pak kohë përpara se të sjellë në jetë fëmijën e saj të parë, Dukesha Megan Markle ka bërë një fluturim të pazakontë nga Londra në New York.
Sipas Daily Mail, Markle po kalon disa kohë me mikeshat e saj në New York, përpara se të bëhet nënë për herë të parë në prill të këtij viti.
Ndonëse është munduar të fshihet, paparacët kanë arritur t’a fotografojnë Megan. Ajo kishte vendosur një kapele në kokë dhe të gjithë flokët përpara fytyrës në mënyrë që të mos njihej.
Dukesha e Sussex është nisur nga Londra më 15 shkurt për një udhëtim surprizë 5 ditor në New York, ku është relaksuar me mikeshat e saj.
Gjatë këtyre ditëve ajo i është dedikuar blerjeve, ushqimit të mirë si dhe organizimit të një “baby shower” me rreth 15 mikesha të ngushta, tërësisht larg vëmendjes mediatike./Xh.K/Opinion.al/
