Kryetari i Partisë Republikane, Fatmir Mediu ka zbuluar në një intervistë televizive përpjekjet e OSBE-ODHIR për të ndërmjetësuar një takim mes palëve politike në Shqipëri.
Mediu sëbashku me kreun e opozitës, Basha kanë shkuar në Vienë në statusin e opozitës dhe janë takuar me zotin Greminger, i cili është Sekretari i Përgjithshëm i OSBE. Këtij të fundit, pranon Mediu i ishte dërguar edhe një kërkesë zyrtare nga presidenti Meta për të ndërmjetësuar dialogun mes palëve.
“Kemi shkuar me Bashën në Luksemburg dhe si opozitë në Vjenë dhe kemi takuar z. Greminger, i cili ka pasur një kërkesë zyrtare edhe nga z. Meta dhe kemi thënë që jemi dakord për dialog mes pozitës dhe opozitës”- tha Mediu.
Disa nga kushtet që opozita ka parashtruar sipas Mediut kanë qenë zgjedhje të parakohshme parlamentare dhe zgjedhje lokale me një qeveri kujdestare dhe bashkëpunim për një shtet kushtetues. Por kjo tentativë dështoi siç tregon aleati i Bashës.
“Ka qëndrim të marrë në këshillin e përgjithshëm të OSBE nga figura e shquar që zoti Rama ka vendosur në krye të diplomacisë në kundërshtim me ligjin që se ka pranuar një negocim të tille nga OSBE. Mesa di unë dhe zoti Rama ka refuzuar kërkesën e zotit Lajcak dhe z. Greminger, por mos të jem abuziv këto janë informacione të cilat nuk janë zyrtare” u shpreh kryetari i Partisë Republikane.
Ndër të tjera Mediu theksoi se vendi duhet ti kthehet një kursi normal diskutimi mes palëve dhe për këtë duhet edhe ndërmjetësimi i ndërkombëtarëve.
“Unë mendoj se ndërkombëtarët duan normalitet politik në Shqipëri nëse se kuptojnë këtë normalitet në Shqipëri se besoj se do bëhen pjesë e maskaradës apo e idiotësisë politike shqiptare. Ne duhet të krijojmë kurs diskutimi normal me njëri-tjetrin pastaj të kemi mundësi për të ofruar. Ka shumë personalitete që janë të gatshëm për të negociuar. Siç janë njerëz që janë marrë me Maqedoninë. Por të paktën të tregojmë përgjegjshmëri minimale
Opozita duhet të reflektojë. Çështjet e emrave janë tërësisht të parëndësishme. Nëse ulemi si palë politike secila palë ka të drejtë kë mendon se është më efektive. Mendoj se duhet të ulen ata që kanë përgjegjësi për të marrë vendimmarrje sesa aktorë dytësorë që mund të kthejnë dialogun politik në lojë të pavlefshme. Duhet të ulemi sa më parë në dialog” deklaroi Mediu. /Opinion.al
