Kreu i Partisë Republikane, Fatmir Mediu, ka reaguar pas vendimit të kryeministrit Edi Rama për të tërhequr nga gara kandidatin e PS-së për zgjedhjet në Kavajë.
Përmes një shënimi në rrjetin social Facebook, aleati i Bashës shkruan se kauza e zgjedhjeve të lira dhe të ndershme është kauza më e drejtë për t’i kthyer pushtetin qytetarëve.
“Opozita e vendosur me qëllimin e madh për të garantuar zgjedhje të lira dhe të ndershme, sot njohu suksesin e parë, për të mos lejuar zgjedhje farsë në Kavajë”, thekson Mediu.
Sipas tij, Kushtetuta, përcakton se jemi një demokraci pluraliste dhe çdo gjë bazohet mbi të gjitha nga vota e lirë.
