Kreu i Partisë Republikane, Fatmir Mediu, është shprehur se opozita nuk duhet të hyjë në zgjedhjet lokale që do të zhvillohen në 30 qershor.
I ftuar në “Abcnews”, Mediu jo vetëm që theksoi bojkotin e opozitës, por paralajmëroi se zgjedhjet e qershorit nuk do të lejohen të zhvillohen.
Sipas kreut të Partisë Republikane, lejimi i zgjedhjeve pa u plotësuar kushtet do të binte ndesh me kërkesat e opozitës.
“Për mua, ky është një vendim që duhet ta marrë opozita, jo vetëm që nuk duhet të hyjë në zgjedhje, por nuk duhet të lejojë që të bëhen zgjedhje. Është një detyrë sa qytetare, por edhe politike.
Ky është kaq i marrë sa sot ka marrë një vendim për të nxjerrë dy parti politike nga selitë. Ky është një i marrë që thotë komoditetin e partive e përcaktoj unë, unë i heq, unë i vë, unë i krijoj, unë heq opozitë dhe unë krijoj opozitë dhe ju thoni do ketë zgjedhje? Nuk ka më pushtet gjyqësor, ka vetëm një njeri, i cili ka krijuar një strukturë të mafies së organizuar në shtet”,tha Mediu./ Opinion.al E.Xh.
