Kryetari i partisë Republikane, Fatmir Mediu, i ftuar në “Report Tv”, është shprehur se deputetët e rinj që erdhën në Kuvend pas djegies së mandateve të opozitës, nuk mund të krijojnë grupe parlamentare.
Sipas tij, këta deputet nuk mund të përfaqësojnë nga na juridike Partinë Demokratike apo Lëvizjen Socialiste për Integrim.
Mediu tha se për të ruajtur demokracinë në vend duhet që Presidenti Ilir Meta dhe ndërkombëtarët të gjejnë pikat ku mund të ndërtohet një marrëdhënie politike e qëndrueshme.
Teksa ka folur për kryeministrin Edi Rama, kreu i Partisë Republikane, e ka cilësuar atë si një njeri të marrë dhe të papërgjegjshëm.
“Këta deputetë nuk mund të krijojnë grup me emrin e LSI-së dhe PD-së, pasi nuk mund ta përfaqësojnë nga ana juridike. Duhet të bëjmë sakrificat më ekstreme për të ruajtur demokracinë.
Mendoj se gjithsecili duhet të shikojë ku janë pikat që mund të ndërtohet një marrëdhënie duke filluar nga Presidenti dhe deri te partnerët tanë ndërkombëtarë. Këtu ka rol edhe Presidenti, edhe ndërkombëtarët, të gjithë.
Fatos Nano ka qenë i përgjegjshëm, vinte në Komisionin e Integrimit për të raportuar, kurse ky është i marrë. Ku ka perëndi që e mbledh më atë, ju thoni Gramozi, po ku ka perëndi” deklaroi Fatmir Mediu.
Kujtojmë se, nga Partia Demokratike, Rudina Hajdari, deputetja që nuk hoqi dorë nga mandati, është diskutuar si emri më i mundshëm për kryesinë e grupit parlamentar./ Opinion.al E.Xh.
