Aktualitet

Mediat turke japin detaje: Si po ndiqet bosi i kriptomonedhës në Tiranë


Bëhu pjesë e Grupit Zyrtar të Opinion.al
>> KËTU <<
               Publikuar në : 16:15 - 06/05/21 |
Opi Nion

Autoritetet turke vijojnë me operacionet intensive për kapjen e bosit të kriptomonedhës turke “Thodex”që dyshohet se fshihet prej dy javësh në Shqipëri bashkë me një server, brenda të cilit mbahen 108 milionë dollarë në kriptomonedha.

Sipas mediave turke policia ka dërguar dy ekipe prej pesë ekspertësh në Ballkan, ku njëri prej tyre është duke punuar me autoritetet shqiptare me qëllim gjetjen dhe kapjen e turkut Faruk Fatih Özer.

Dyshohet se ai ka zhdukur rreth 2 miliard dollarë të më shumë se 390 mijë investitorëve në kriptomonedhën turke “Thodex”,

Ndërkohë, ekipi tjetër koordinon punën në Kosovë, Maqedoni, Bosnje dhe Mal të Zi ku dyshohet se turku mund të arratiset pasi po ndiqet nga afër në Shqipëri.

Më herët, policia zbuloi edhe vendndodhjen e tij duke dhënë edhe adresa. Fillimisht ai qendroi në Hotel Mondial, pagoi për rezervimin 3-ditor dhe iku nga hoteli në ditën e 2 pa bërë as check out.

Me përhapjen e shpejtë të lajmit se ai ishte shpallur në kërkim në Turqi dhe po kërkohej nga Interpol, Faruk Fatih Özer, qëndroi në shtëpinë e shoferit që e mori nga aeroporti në një zonë të quajtur Pazari Ri në Tiranë.

Nuk qëndroi shumë aty pasi u zbulua nga autoritetet dhe u transferuar në një tjetër zonë, pikërisht në zonën e “Myslym Shyrit” në kryeqytet. e më pas në zonën e “21 Dhjetorit” ku edhe ka humbur gjurmët.

Ndërkohë që në Turqi për 78 nga 82 të dyshua rpër këtë çështje, është lëshuar një urdhër arresti. Mes të arrestuarve janë edhe familjarë të Faruk Fatih Özer , si Güven Özer dhe Serap Özer./Opinion.al

Pas