Edhe pse kanë kaluar dy dita nga ndeshja mes Barcelonës dhe PSG-së, po vazhdon jehona e humbjes turpëruese të francezëve. Në një kohë kur mediat spanjolle pro-Real Madrid shkruajnë se arbitri ka favorizuar katalanasit, ato pariziene kanë fajësuar këngëtaren Rihanna.
Do thoni ju “Çfarë lidhje ka Rihanna me futbollin”?! Por ja që ka.
Dy ditë para ndeshjes së madhe të Champions League, këngëtarja prezantoi koleksionin e ri Fenty në bashkëpunim me Puma. Të ftuar në këtë event mode ishin edhe futbollistët e PSG, Blaise Matuidi dhe Marco Verratti.
Ditën e hënë, pas sfilatës dyshja e futbollistëve është parë duke festuar në një lokal nate bashkë me ylli e pop-it.
