Nëse avioni me skuadrën e Izraelit do të ngrihej nga pista në aeroportin e Rinasit, fundi do të kishte qenë tragjik. Kështu shkruajnë mediat e Izraelit për incidentin me Kombëtaren e tyre në Shqipëri. Avioni ishte nisur në pistë dhe po ecte me një shpejtësi prej 100 km/h, kur pilotët kanë vënë re një problem në krahun e majtë.
“Pas një kontrolli, u zbulua problemi dhe avioni fatmirësisht nuk u ngrit në fluturim”, shkruan “Israel Nacional News”.
Sipas kësaj gazete, 93 personat që ndodheshin në bordin e avionit, do të kishin patur një fund tragjik nëse avioni ngrihej në ajër.
Futbollistët e Kombëtares së Izraelit kanë pritur një tjetër avion për tu kthyer në vendin e tyre, pas ndeshjes me Kombëtaren tonë në “Elbasan Arena”.
